Россия терма жамоаси бош мураббийи Фабио Капелло "Ювентус"да Златан Иброҳимович билан бирга ишлаган вақтларини эслади.

"Ибрага жуда катта иқтидор берилган, иқтидорли одмани гол урадиган машинга айлантириш қийин эмас. Талаб қилинадиган нарса - баъзи нарсаларни унга уқтириб қўйиш эди, холос.

Қолган ишлар ҳар кунги машғулотларда эди, бунга Златан ҳар доим тайёр бўлган. У ҳужумларни якунлаш устида кўп ишлаган. Ибра машқларни бошлаб, кучли зарбалар берар, аммо зарбанинг сифати мақтовга лойиқ эмас эди. Бундан ташқари у иккинчи қаватда ҳам яхши ўйнай олмасди. Шунинг учун у бош билан ўйнашни машқ қилаверерди, қилаверарди. У кўрсатаётган футбол - меҳнатининг самараси.

Бир куни уни чақириб, дедим: "Сен Марко ван Бастендай яхши ўйнайсан. Сенда у билан бир қаторда туришга салоҳият бор. Мен сенга бунга қандай эришишни кўрсатаман".

Мен кимдандир ван Бастеннинг голлари ёзилган видеолавҳаларни тайёрлашни сўрадим. Златанга кўрсатиб, дедим: "Сен дарвозага яқин ўйнамайсан. Агар гол уришни истасанг рақиб дарвозаси яқинида бўл. Сен доим узоқда бўласан, сен яхши ўйнайсан, аммо тўпурур бўлишни истасанг жарима майдочаси яқинида ўйна". Иброҳимович жуда тез сабоқ олди", - дейди Капелло.