“Ювентус” афсонаси Алессандро Дель Пьеро Италия Футбол Федерациясига президентлик қилиши мумкин бўлган номзодлардан бири сифатида кўрилмоқда, деб хабар бермоқда bobsoccer.ru нашри.
Унинг номзодини “кўҳна синьоралар” раҳбари Андра Аньелли қизғин қўллаб-қувватламоқда. Италия футболининг ҳозирги раҳбари шу ой бошида расистик хатти-ҳаракати учун ФИФА томонидан жазоланди ва у кейинги президентлик сайловида иштирок эта олмайди.
Сандро эса мухлислар орасида ҳам, бошқа мутасаддилар орасида ҳам жуда яхши обрўга эга ва унинг сайловда ғолиб бўлиш имкониятлари ўз-ўзидан жуда юқори.
