Европа миллий чемпионатларида мазкур дам олиш кунлари навбатдаги тур ўйинлари бўлиб ўтади. Марказий ўйинлар билан превью шаклида таништириб ўтамиз.
Англия. "САУТГЕМПТОН" - "МАНЧЕСТЕР СИТИ".
— "Саутгемптон" Англия чемпионати доирасида "Манчестер Сити"ни ўз майдонида 28 марта мағлуб этган. "Авлиё"лар 13та ўйинда ғалаба қозониб, 6 марта мағлуб бўлишган. 9та ўйин дуранг билан тугаган.
— "Саутгемптон" мусобақа жадвалида 2-ўринни эгаллаб турган бўлса, "Сити" 3-ўринни банд этган. Икки йил аввал ушбу жамоалар ўзаро тўқнаш келишганида "Саутгемптон" 16, "шаҳарликлар" 2-ўринни эгаллаб туришганди.
— "Саутгемптон" ушбу мавсумда ўз майдонида ўтказган ўйинларнинг 5тасида ғалаба қозониб, бир марта дуранг ўйнади. Тўплар нисбати — 17-1.
— "Манчестер Сити" чемпионат доирасида сафар ўйинларида кетма-кет 12та ўйиндан бери гол урмоқда. Клубнинг бу борадаги рекорди 16та ўйинга тенг. Ушбу натижа 1990 йилнинг март ойидан декабрига қадар қайд этилган.
— "Сити"нинг 13 нафар футболчиси ушбу мавсумда ўз ҳисобига гол ёзиб қўйди. Бу АПЛда энг яхши натижа бўлиб турибди. Иккинчи ўринда — "Арсенал" (11 футболчи).
Италия. "РОМА" - "ИНТЕР".
— "Рома" "Интер"га қарши ўз уйидаги сўнгги бешта ўйинда мағлубиятга учрамаяпти (3та ғалаба, 2та дуранг). "Интер" сўнгги марта Римдан 2008 йилда ғалаба билан қайтганди (4:0).
— "Рома" ушбу мавсумда ўз майдонида ўтказган барча 6та ўйинда ғалаба қозонди. А серия доирасида ўз уйидаги мағлубиятни "Рома" ўтган мавсумнинг сўнгги турида "Ювентус" билан ўйинда қайд этганди (0:1).
— "Интер" ушбу мавсумда сафардаги 6та баҳсидан фақат 1тасида ғалаба қозонди. Сўнгги марта 26 октябрь куни "Чезена" ўз уйида мағлуб этилди.
— "Рома"нинг бразилиялик ҳимоячиси Майкон 2006-2012 йилларда "Интер" шарафини ҳимоя қилган (177та ўйин, 16та гол).
— "Рома" ушбу мавсумдаги ўз уйидаги ўтказилган ўйинларда дарвоза дахлсизлигини сақлаб қолган.
Испания. "ВАЛЕНСИЯ" - "БАРСЕЛОНА"
— "Валенсия" ўз майдонида "Барселона"ни 80-марта қабул қилади. Ўтказилган ўйинларда мезбонлар 29, меҳмонлар 31 марта ғалаба қозонишган. 19та ўйинда дуранг қайд этилган.
— "Валенсия" ўз уйида сўнгги 7та ўйиндан бери "Барселона"ни мағлуб эта олмаяпти (4та дуранг, 3та мағлубият). Каталонияликлар сўнгги марта 2007 йилнинг 18 февраль куни "Валенсия" майдонида мағлуб бўлишганди (1:2).
— Месси ўтган турда хет-трикка эришиб, Ла лигадаги голлари сонини 253тага етказди. Энди Лионель кучли бешлик чемпионатларида энг кўп гол урган Герд Мюллернинг рекорди (365та гол)ни янгилашга уриниб кўради.
— Луис Суарес "Барселона" таркибида Испания чемпионатида ҳали гол урмади, аммо 4та голли пасни амалга оширди. Ассистентлик борасида фақат Месси ундан олдинда (7та узатма).
