Ўтган мавсумда Англия Премьер-лигасида 2-ўринни эгаллаган "Ливерпуль", ушбу мавсумда ҳозирча жадвалда 12-ўринда бормоқда. Шунга қарамай, жамоа бош мураббийи Брендан Роджерс мавсумни кучли тўртликда якунлашига ишонмоқда.

"Бир неча ой олдин мен йилнинг энг мураббийи деб топилгандим, энди эса истеъфога чиқарилишга бош номзод бўлиб турибман. Бу футболнинг ажралмас қисми, бунга кўникиш керак. Шунга қарамай, ишончим комил, биз йилни кучли тўртликда якунлай оламиз. Биз бунга қодирмиз. Сўнгги натижаларга қарамай, биз ўзимизнинг асосий вазифамиз — келаси йилги ЕЧЛ йўлланмасини йўлга киритишни амалга ошира оламиз. Бизга осон бўлади деб айтаётганим йўқ, лекин айнан ҳозир биз 4-ўриндан 5 очко ортда қоляпмиз. Албатта, биз юқори формага чиқишимиз ва яхшироқ ўйнашимиз керак. Чоршанба куни мен кўрган ўйин ("Лудогорец"га қарши) янада яхшироқ ўйнашимиз мумкинлигига ишонч беради", - дейди Роджерс.