"Барселона" ҳимоячиси Жерар Пике каталонияликлар ҳужумчиси Лионель Мессини "Реал" форварди Криштиану Роналду билан таққослади.
"Менга Криштиану Роналду ёқади. Одамлар ўйинчини яхши билмаган ҳолда қандайдир вазиятлар юзасидан муҳокама қилишади. У сўнгги йилларда бутунлай ўзгарди. Мен Роналдуни "МЮ"да ўйнаб юрган пайтидан бери биламан. У билан муносабатларимиз яхши эди, у менга ҳамиша ёрдам бериб келган.
Криштиану Роналду — ажойиб ўйинчи, меҳнаткаш, ҳамиша мукамммалашиб боришга интилади. Мени энг ҳайрон қолдирган жиҳати шундаки, Месси 4 марта "Олтин тўп"ни олган бўлса-да, у курашишда давом этди ва энг яхши бўлишга қатъий қарор қилди.
Месси эса бошқача. Унда туғма талант бор. У машғулотларда Роналдудек муккасидан кетиб шуғулланмайди. Аммо Мессига тўп тушиши билан, ундан тўпни олиб қўйиш имконсиз. У ёшлик пайтиёқ гений бўлган. Месси — дунёнинг энг яхши футболчиси", - дейди Пике.
