"Манчестер Сити" бош мураббийи Мануэль Пеллегринининг сўзларига кўра, "шаҳарликлар" яримҳимоячи Фрэнк Лэмпарднинг ижара муддатини узайтириши мумкин.
Эслатиб ўтамиз, 36 ёшли футболчи асли МЛС клуби "Нью-Йорк Сити"га тегишли бўлиб, Англияда ижара асосида ўйнамоқда. Ижара шартномаси 2015 йилнинг январида тугайди.
"Декабрь ойида барча томонлар билан музокара олиб борамиз ва қрор қабул қиламиз. Агар томонлар рози бўлса, муддатни узайтирамиз. Биз унинг қолишини истасак, Фрэнк эса кетишни истаса, бу тўғри келмайди.
Мен Фрэнк билан ҳар куни гаплашаман, менга у кундан кунга яхши ўйнаётгандай таассурот қолдирмоқда. У бизнинг ижарага олганимиздан жуда бахтиёр", - дейди Пеллегрини.
Лэмпард бу мавсумда "Сити" сафида 7 ўйин ўтказди (икки марта бошланғич таркибда) ва иккита гол уриб бир марта голли узатма оширди.
