"Челси" бош мураббийи Жозе Моуриньо Англия чемпионатининг 13-турида "Сандерленд"га қарши учрашувдан сўнг (0:0) асосан ҳимояланган рақиб жамоа ҳақида фикр билдирди.
"Бу осон ўйин бўлмади. Рақибимизда ушбу ўйинга тайёргарлик кўриш учун бир ҳафта муддат бўлди ва улар аниқ стратегия билан ўйинга келдилар. Кўпчилик ҳимоявий футбол кўрстадиган жамоаларни танқид қиладилар, аммо мен бундай эмасман. Ҳимоявий ўйин максимал эҳтиёткорлик ва ташкилотчиликни талаб қилади.
Футболчиларимни ҳам танқид қилмоқчи эмасман, улар борини бериб ўйнадилар. Ғалаба қозонишни истаган жамоа билан ютқазмасликни истаган жамоа бир очколик бўлганлиги тўғри бўлди", - дейди Моуриньо.
