Италия чемпионатининг 13-тури доирасида "Ювентус" ўз майдонида "Торино"ни қабул қилиб, қўшиб берилган дақиқаларнинг сўнггисида Пирлонинг голи эвазига 2:1 ҳисобида ғалаба қозонди.

Ҳисобни Артуро Видаль 15-дақиқада пенальтидан гол киритиб очди. Етти дақиқадан сўнг Торино футболчиси Бруно Перес ҳисобни тенглаштирди. У ўз майдончаси яқинида тўпни эгаллаб олиб бутун майдон бўйлаб юриш қилди ва дарвозага 18 метр қолганда кучли зарба билан чиройли гол муаллифига айланди.

78-дақиқада майдон эгалари бир киши кам бўлиб қолишди. Ҳакамга норозилик билдиргани учун огоҳлантирилган Лихштайнер, бироз ўтиб рақибига қарши қўпол ўйнади ва иккинчи марта сариқ карточка олиб, майдондан четлатилди.

Шунга қарамай "Ювентус" футболчилари умидни йўқотмадилар ва ҳакам томонидан қўшиб берилган 3 дақиқанинг сўнггисида Пирло "Торино" дарвозасини нишонга олди ва ўйин қаҳрамонига айланди.

Италия чемпионати

13-тур

"Ювентус" – "Торино" 2:1 (1:1, 1:0)
Голлар: 1:0 – 15, пенальти Видаль, 1:1 – 22 Бруно Перес, 2:1 – 90 Пирло.
"Ювентус" – Сторари, Лихтштайнер, Бонуччи, Кьеллини, Эвра, Маркизио (Перейра, 64), Пирло, Видаль, Погба, Льоренте (Мората, 58), Тевес (Огбонна, 83).
"Торино" – Жийе, Глик, Дармиан, Максимович, Моретти, Гацци, Эль-Каддури (Санчес Миньо, 90), Бруно Перес, Вивес (Беннаси, 53), Амаури, Куальярелла (Ларрондо, 73).
Огоҳлантиришлар: Глик (17), Гацци (46), Погба (60), Лихтштайнер (70), Амаури (71), Моретти (90).
Четлатиш: Лихтштайнер (78).