«Барселона» бош мураббийи Луис Энрике «Валенсия»га қарши бўлиб ўтган 13-тур баҳсидан (1:0) кейин ўз фикрларини билдириб ўтди.

«Умуман олганда, ўйинни яхши ўтказдик, лекин айрим вазиятларда тартибли ҳаракат қила олмадик. Ҳар иккала жамоа ғалаба қозониш учун имкониятларга эга бўлди, аммо 3 очкони биз қўлга киритдик.

Ҳа, Суареснинг голи инобатга олинганда, биз ўйин тақдирини эртароқ ҳам ҳал қилишимиз мумкин эди. Лекин футболда бундай ҳолатлар рўй бериб туради. Ғалаба тўпи шунчаки омад туфайли киритилмади. Биз стандартлар устида кўп ишлаймиз. Бу сафар бурчак тўпидан унумли фойдаландик.

Бускетс ҳужумкор ярим ҳимоячи позициясида? Биз тўпни кўпроқ назорат қилишни истагандик», – дейди Энрике.