«Ливерпуль» бош мураббийи Брендан Роджерс маълумот бериб, жамоа сардори Стивен Жеррардга янги шартнома таклиф қилинганини таъкидлади.
«Клуб Жеррард ва унинг вакилларига шартнома узайтириш борасида таклиф билан чиқди. Ҳозирча бу борада вазият шундан иборат.
Стивен 16 йиллик умрини ушбу клубга сарфлади. У чексиз ҳурматга лойиқ ва шартнома борасида ўйлаб кўриш учун вақт олиш имкониятига эга. Албатта, бунда ҳамма гап пулда эмас. Мен у билан гаплашаман ва пул энг асосий омил эмаслигини биламан. Шунчаки у таклиф юзасидан мавсум охиригача ўйлаб кўриш имкониятига эга», – дейди Роджерс.
Аввалроқ клуб раҳбарияти футболчининг маошини ҳозирги ҳолатда қолдиришга рози бўлмаётгани ҳақида хабарлар тарқалганди. Эслатиб ўтамиз, ҳозирда Жеррард ҳафтасига 140 минг фунт маош олмоқда.
