"МЮ" бош мураббийи Луи ван Гал жамоа яримҳимоячиси Андерсоннинг ҳозирги жисмоний ҳолати ҳақида гапириб ўтди. Жорий мавсумда ушбу футболчи Премьер-лиганинг битта учрашувида майдонга тушган холос.

"Андерсон таркибга қайтяпти. У жароҳатланганди, лекин энди яна жамоа билан машғулотлар ўтказмоқда. У билан ўтган йили нималар бўлганидан хабарим йўқ, аммо менинг мураббийлик давримда у кўп марта жароҳат олди. Шундай экан, ҳозирча унга баҳо бера олмайман. Фақат айтишим мумкинки, Андерсон машғулотларда яхши қатнашмоқда. Унда ҳамон жисмоний ҳолати масаласида муаммолар бор. Ҳозир уни таркибга кирита олмайман, бунинг учун у формада бўлиши керак.

Исталган мураббий фаолиятининг дастлабки уч ойида эътибор қаратадиган асосий хусусият - жисмоний форма. Ахир бу сен футболчилардан сўрашинг мумкин бўлган минимал талабдир. Физик тайёргарлик - энг муҳим нарса. Хуллас, ўйинчи ўйинга тайёр эканини исботлаши керак ва бу фақат бир кунгина эмас, бир неча ҳафта узлуксиз давом этиши керак", - дейди ван Гал.