«Корнелья» жамоаси бош мураббийи Хорди Рохер "Реал"га қарши кечадиган Испания кубоги 1/16 финал босқичидан ўрин олган учрашув олдидан ўз фикрларини билдириб ўтди.

«Ўйинчиларимга қўшимча мотивация бериш шарт эмас. Ўйинларга чоғланиш борасида ҳар якшанбадаги ўйинда шундай бўлишини истардим. Йигитлар бу ўйинни интизорлик билан кутишмоқда. Бу бизга муҳим тажриба вазифасини ўтайди.

Биз «Реал»ни яхши биламиз. Бу жамоани тўхтатиш ҳар кимнинг ҳам қўлидан келмайди. Бу фикр нафақат бизга, Ла лига клубларига, балки бутун Европага тегишли. Лекин биз ўз ўйинимизни қилишга ҳаракат қиламиз.

Қандай натижа қайд этилишини истардим? 4:0 — бизнинг фойдамизга», – дейди Рохер.

Эслатиб ўтамиз, биринчи ўйинда «Реал» сафарда «Корнелья»ни 4:1 ҳисобида мағлуб этганди.