Франциялик ҳужумчи Тьери Анри “Нью-Йорк Ред Буллс” жамоаси билан янги шартнома имзоламаслигини ва ўзини мураббийлик соҳасида синаб кўрмоқчилигини маълум қилган. 37 ёшли Анри ўйинчи сифатида “Арсенал” билан Чемпионлар Лигаси кубогини қўлга кирита олмаган, энди мураббий сифатида совринни ютишни хоҳламоқда.
Бунга “Арсенал” жамоасининг бош мураббийи Арсен Венгер қуйидагича фикр билдирган: “Анри бош мураббий ёки бошқарувчи-менежер бўлиши учун унда барча сифатлар мавжуд. У иқтидорли ва муҳими футболни севади. Аммо у ўзини ҳали мураббий сифатида синаб кўрмаган. Тьери бутун умрини мураббийлик фаолиятига бағишлай олармикан?”.
