«Арсенал» бош мураббийи Арсен Венгер клуб билан шартномаси якунига етгунча (2017 йил) Англия чемпионлигини қўлга киритишга ишончи комил эканини таъкидлаб ўтди.

– 2003-2004 йилги мавсумдан кейин илк марта навбатдаги 3 йил давомида Премьер-лигада ғолиб чиқа оласизми?
– Албатта. Биз мавсумни яхши бошламадик, аммо мавсум бошидан бери ҳали бирорта ҳам ўйинда оптимал таркиб билан ўйнай олмадик. Жаҳон чемпионатидан кейин одатда шунақа бўлади. Лекин, чемпионатда ғолиб чиқиш учун бизда барча имкониятлар бор. Чемпионлик пойгасига қўшилиш учун даҳшатли жанг қилишимиз ва ҳар бир ўйинда ғалаба қозона олишга муносиб эканимизни исботлашимиз керак", – дейди Венгер.

Эслатиб ўтамиз, АПЛнинг 13-туридан кейин «Арсенал» жадвалда 7-ўринда бормоқда. Улар «Челси»дан 13 очко ортда қолишмоқда.