«Реал» футболчиси Хесе Родригес 8 ойлик танаффусдан кейин «Корнелья»га қарши ўйинда илк марта майдонга тушди. Учрашувдан сўнг Хесе Родригес интервью бериб ўтди.

Қайтиши ҳақида:
— Мен ғалаба қозонганимиз, шунингдек, ўзимизнинг индивидуал натижаларимиздан жуда мамнунман. Кўп ой давомидаги оғир дамлардан сўнг, мен кўплаб тактик деталларни унутиб қўйдим, аммо жамоа ва клуб президенти менга анча ёрдам берди. Мухлислар мен жуда яхши кўришади ва мен ҳам мухлисларимизни жуда севаман. Ҳа, бир неча ой жароҳатдан қутила олмаслик қийин пайтлар бўлди. Бу жароҳатдан яхши ҳам, ёмон ҳам даволаниш мумкин. Айни дамда барчаси яхши кечмоқда, ҳали менга жисмоний жиҳатдан ритм етишмаяпти, мен жамоани жуда соғингандим. Бу буюк футболчилар ва ажойиб инсонлар. Улар ҳар куни мен ҳақимда қайғуришди. Биз - бир оиламиз.

Жароҳатнинг қайталаниш эҳтимоли ҳақида:
— Баъзан мен оғриқ ҳис этардим, бироқ чин дилдан ишладим, жароҳатнинг қайталаниши ёки бошқа нарса ҳақида ўйламадим. Қайтиш учун куну-тун кўп ишлаганимни барча билади. Мен буни уддаладим.

Илк голи ҳақида:
— Мен бу голни "Мадрид" мухлисларига бағишлайман. Кўплаб кишиларга раҳмат айтишим керак, улар мени кучли қўллаб-қувватладилар: бизнинг мухлислар, шифокорим ва физиотерапевтим.

Кубокнинг 1/8 финалида "Атлетико" ёки "Оспиталет"га дуч келиш эҳтимоли ҳақида:
— Қайси бири тушса ҳам бир хилда қийин кечади.