"Челси" дарвозабони Петр Чех фаолиятини "Рома"да давом эттириши мумкин. Daily Mail хабарига қараганда, римликлар 32 ёшли посбон учун 7 миллион евро тўлашга тайёр.
Аввалроқ, Лондон клубида етарли ўйин амалиётига эга бўлмаётган Чех жамоадан кетиш ниятида экани ҳақида хабарлар пайдо бўлганди. "Бўрилар" раҳбарияти чехиялик дарвозабон вариантини Морган де Санктисни алмаштириш мақсадида кўриб чиқмоқда.
Мавсумда Чех "Челси"нинг бор-йўғи бешта ўйинида майдонга тушиб, учта гол ўтказиб юборди.