Испания полицияси "Депортиво" ишқибозининг ўлими айбдорларини қидиришда давом этмоқда, натижада учта ака-ука гумонланиб қўлга олинди, дея хабар беради El Mundo Deportivo.
Полициянинг фикрига кўра, уларнинг камида иккитаси Тобоадага ҳамла қилган ва унинг ўлимига сабаб бўлиши мумкин. Буни ишқибозлар муштлашуви видеотасвири тасдиқламоқда.
Эслатиб ўтамиз, Испания чемпионатининг 13-турида "Атлетико" ва "Депортиво" клублари ўртасидаги учрашув олидан икки жамоа мухлислари ўртасида муштлашув келиб чиққан эди. Муштлашувда бейсбол таёқлари, пичоқ ва шиша идишлар билан қуролланган 200га яқин ишқибоз иштирок этган. Воқеадан сўнг 43 ёшли Табоада дарёга ташлаб юборилган, кейинроқ клиник ўлим ҳолатида шифохонага олиб кетилган ва ўша ерда ўзига келмай вафот этган.
