"Арсенал" бош мураббийи Арсен Венгер жамоанинг янги аъзоси, ҳужумкор яримҳимоячи Алесис Санчеснинг ўйинларига баҳо берди.
Чилилик футболчи шу йилнинг ёзида "Барселона"дан "канонирлар" сафига қўшилган эди. У Англия чемпионатининг 13 учрашувида 9 та гол уришга эришди.
"Премьер-лигага бунчалик тез мослашиб кетган футболчиларни эслаш қийин. Бундан тезроқ мослашиб бўлмайди. Алексисда ақлбовар қилмас ғолиблик руҳияти бор, шунинг учун у майдонда керакли қарорлар чиқара олади. Унинг жамоамизга қўшаётган ҳиссаси бебаҳо", - дейди Венгер.
