Ўзбекистон миллий терма жамоаси Янги Зеландиянинг "Окленд Сити" жамоаси билан назорат учрашувини ўтказди (0:0). "Окленд" бош мураббийи Рамон Трибулиеткс ўйиндан кейин ўз фикрларини билдириб ўтди.
"Бугун жамоа яхши ўйнади. Футболчиларнинг ҳаракатидан қониқиш ҳосил қилдим. Биз жуда яхши, профессионал жамоага қарши ўйнадик. Уларнинг таркибида бир нечта футболчилар топ-жамоаларда ўйнашади.
Ўйиннинг интенсивлиги жуда яхши бўлди. Тезлик борасида ютқазмадик. Дастлабки 10-15 дақиқа давомида ҳимояланишга мажбур бўлдик. Кейинчалик ҳужум қилган вазиятларимиз бўлди. Биринчи бўлимдан кейин ҳимоя ва ҳужум борасида айрим нарсаларни шогирдларимга таъкидладим", - дейди бош мураббий.
