«Реал» бош мураббийи Карло Анчелотти баёнот бериб, "Сельта" билан ўйинда дисквалификацияга учраган Исконинг ўрнини Асьер Ильяраменди эгаллашини айтиб ўтди.

«Иско «Сельта» билан ўйнамайди. Бизнинг аппелциямиз инкор қилинди. Шу боис таркибда унинг ўрнини Ильяраменди эгаллайди.

Ҳозирги таркибимиздан кўнглим тўқ. Хедирада ҳали муаммолар бор, лекин Хесе сафимизга қайтди. Шу боис, янги харидлар қилинмайди. Шунингдек, январда ҳеч кимни қўйиб юбормаймиз.

Эрнандес жамоадаги ўз вазифасини яхши билади. У кубок баҳсида яхши ўйнади. У «Лудогорец»га қарши ўйинда ҳам майдонга тушади. У январь ойида «Реал»ни тарк этмайди», – дейди Анчелотти.