"Челси" бош мураббийи Жозе Моуриньо мавсумдаги илк мағлубиятига қуйидагича изоҳ беради. Лондонликлар бугун АПЛнинг 15-тури доирасида "Ньюкасл" меҳмони бўлиб, 1:2 ҳисобидан имкониятни бой бердилар. "Кўклар" охирги марта расмий учрашувда 30 апрел куни мағлубиятга учрашган.
"Жамоам айнан мен ёқтирадиган услубда мағлубиятга учради. Биз нимага қодир бўлсак, барчасини кўрсатдик, бироқ бу омадимиз келмади. Ғалабага фақат битта жамоа интилди. Иккинчи голдан кейин футболчилар психологик мувозанатни йўқотиб қўйдилар. Биз камида бир очко олишга ҳақли эдик.
Ҳакам иккинчи таймга олти дақиқа қўшиб берди, мен бўлсам 20 дақиқа қўшган бўлардим. Арбитр тўп аутга чиқиб кетганида уни узоқ вақт қайтармай турган болаларни назорат қила олгани йўқ. У қўлига тушган тўпни ушлаб ўтирган мухлисларни жазолай олмади.
Мени статистика хавотирга солмаяпти. Мен шунчаки лигада ғолиб чиқишни истайман", - дея Моуриньодан иқтибос келтирмоқда BBC.