«Реал» ҳужумчиси Криштиану Роналду Испания чемпионатининг 14-тури доирасида «Сельта» дарвозасига 3та гол урди.
Шу тариқа, португалиялик футболчининг Примеродаги голлари сони 200тага етди. Бунинг учун унга 178та ўйин керак бўлди.
Бундан ташқари, Криштиану Роналду Испания чемпионатида хет-трик қайд этиш бўйича рекордни янгилади. Унинг ҳисобидаги хет-триклар сони 23тага етди. Бу кўрсаткич бўйича Роналду Альфредо Ди Стефано ва Тельмо Саррани ортда қолдирди. Бу икки ўтмиш юлдузи 22 мартадан хет-трикка эришишган.