«Барселона» – «Эспаньол» ўйини олдидан мезбонлар Томас Вермаленни қўллаб-қувватловчи сўзлар ёзилган футболкада майдонга чиқишди ва ушбу футболкаларда суратга тушишди.
Футболкада "Mucho animo Thomas" сўзлари ёзилган бўлиб, испан тилидан таржима қилинганда "Томасни қўллаб-қувватлаймиз" деган маънони билдиради.
Вермален эса ўйиндан кейин Твиттердаги саҳифаси орқали жамоадошларига миннатдорчилик билдирди: «Ажойиб қўллаб-қувватлаш учун жамоадошларимга миннатдорчилик билдираман. Жуда ҳам қадрлайман».
Эслатиб ўтамиз, ушбу ҳафтада бельгиялик футболчи операция қилинди. У 3-4 ойдан кейин сафга қайта олади.
