«Манчестер Юнайтед» бош мураббийи Луи ван Гал Англия чемпионати 15-тури доирасида «Саутгемптон»га қарши ўйин олдидан ўз фикрларини билдириб, Радамель Фалкао бугунги ўйинда ҳам захирада қолишини таъкидлаб ўтди.

— Сўнгги ўйинларда захирадан майдонга тушаётгани учун Фалькаонинг жаҳли чиқяптими?
— Бу мени қизиқтирмайди. У менинг фалсафамни қабул қилиши шарт, тушуняпсизми? Айнан шу боис мен бу ерда ишлаяпман.«Саутгемптон» билан ўйинни у захира ўриндиғида бошлайди.

— У ўйинга тайёр эмасми?
— Ҳа, у тайёр эмас. «Халл»га қарши ўйиндан кейин у икки марта машғулотда иштирок этди. Сешанба куни «Сток»ка қарши ўйинда 15 дақиқа ўйнади. Шундан сўнг яна машғулотларда қатнашди.

Яхшиси унга 45-60 дақиқа ўйнаш имкониятини беришим ёки ёшлар жамоасида тўлиқ ўйнатишим керак эди. Лекин Фалькао менга керак, боиси Руни «Сток Сити»га қарши ўйин олдидан жароҳат олди, шунингдек Уилсонда ҳам жароҳат бор", — дейди ван Гал.