«Бавария» клуби фахрий президенти Франц Беккенбауэр келажакда футболдаги ҳакамлар вазифасини автоматлаштирилган системалар бажаришини таъкидлаб ўтди.
«Биз юқори технологиялар асрида яшаяпмиз. Голни аниқлайдиган тизим билан чекланиб қолинмайди. Вақти келиб бизга ҳакамлар керак бўлмай қолади. Майдонда юз бераётган ҳодисаларни автоматлаштирилган система назорат қилиб боради.
Ишончим комил, келажакда бизни шундай система кутмоқда. Лекин у пайтда мен бўлмайман. Бошқа одамлар бунинг учун курашишларига тўғри келади. Бу ФИФАда муҳокама қилинмаган. Бу шунчаки менинг ғоям», — дейди 69 ёшли Беккенбауэр.
