Россия терма жамоаси бош мураббийи Фабио Капелло "Динамо" (Москва) ҳужумчиси Александр Кокоринни Россиянинг энг иқтидорли футболчиси деб ҳисоблайди.
"Кокорин? У балки Россиянинг энг иқтидорли футболчисидир. Унинг имкониятлари ажойиб, аммо у Европа даражасидаги футболчи бўлиши учун кўп ишлаши керак.
- Сиз "Рома" раҳбариятига Кокоринни кузатишни таклиф қилган экансиз, шу ростми?
- Мен? "Рома" раҳбариятига? Йўқ, бу рост эмас. Бизда бундай суҳбат бўлмади. Ҳозир скаутларда шундай дастур борки, компьютерини ёқса, бас - экранида футболчи тўғрисида тўлиқ маълумотлар пайдо бўлади. Аммо баъзан мендан Россиянинг у ёки бу футболчилари тўғрисида суриштириб туришади. Лондондаги "Арсенал" базасидаги йиғинимизни эслайсизми? Ўшанда Арсен Венгер мендан ўйинчилар борасида қизиққан эди.
- Венгер айнан қайси футолчини суриштирган эди?
- Сиз менга Кокорин ҳақида савол берган эдингиз. Уни ҳам.