8 декабрь – Конституциямиз қабул қилинганлигининг 22 йиллигига бағишлаб “Насаф” футбол мактабида турнир ўтказилди.

Унда футбол мактабининг барча гуруҳлари шу билан бирга Қарши, Китоб, Бешкент шаҳарларидан жами 30 жамоа учта ёш тоифасида ғолиблик учун кураш олиб боришди. Мусобақада 500 дан зиёд ёш футболчилари иштирок этиб, улар яна бир бор мутахассислар кўз ўнгида синовдан ўтишди.

-Мусобақани ўтказишдан мақсада – вилоятдаги футбол жамоалари орасидан иқтидорлиларни саралаб олишдан иборат, -дейди “Насаф” футбол мактаби директори Сергей Кучеренко. – Турнирда кўплаб ёш иқтидор эгалари кашф этилди. Келгусида улар орасидан сараланганларни футбол мактабига қабул қиламиз.

Турнир якунларига кўра 2002 йилда туғилган гуруҳлар ўртасида “Насаф” футбол мактабининг Китоб филиали тарбиланувчилари ғолибликни қўлга киритишди. 2003 ва 2004 йилларда туғилган гуруҳлар беллашувларида эса мактабнинг Қарши филиали жамоалари 1-ўринни эгаллашди. 2005 йилларда туғилган болалардан иборат гуруҳлар ўртасидаги беллашувда эса Бешкент филали жамоаси барча рақибларини мағлуб этди.

Мусобақа якунида ғолиб ва совриндорларга кубок, эсдалик совғалар топширилди.