"Альмерия" бош мураббийи Франсиско Хавьер Родригес истеъфога чиқарилди, дея хабар қолдирилган клуб расмий твиттерида. 36 ёшли мутахассисни ишдан бўшатиш тўғрисидаги қарор Примеранинг 14-тури: "Эйбар"га қарши учрашувдаги йирик мағлубиятдан сўнг (2:5) қабул қилинган.
"Альмерия" раҳбарияти ўз ишига профессионаллик ҳамда фидойилик билан муносабатда бўлгани учун мураббийга ташаккур билдиради. Родригеснинг ўрнини ким эгаллаши борасида эса ҳозирча маълум қилинмаяпти.
14 турдан сўнг жамоа охирги 8 ўйинда ғалаба нималигини билмаган ҳолда мусобақа жадвалининг 17-ўрнини банд этиб турибди.