Такухиро Накаи исмли эндигина 10 ёшга чиққан япониялик ёш истеъдод эгаси 7 ёшидаёқ ўз ватанида “Пипи” лақаби билан машҳур бўлган эди. “Реал” скаутлари уни пайқаб, Мадридга олиб келишгач ҳам бу вундеркинднинг маҳорати ўсишда давом этди.
Уни мураббийлар ўзидан 3 ёш катта тарбияланувчилар жамоасига қўшиб қўйишганига қарамасдан, Такухиро 13 ёшли футболчилар орасида ҳам яққол ажралиб турибди. У шу жамоа таркибида каталониялик 13 ёшли футболчиларга қарши ўтказилган “кичик эл-класико” ўйинида амалга оширган ҳаракатлари билан яна бир бор барчанинг эътиборини ўзига қаратди.
Мадридлик мухлислар Такухирони келажакда Роналду даражасидаги футболчи бўлиб етишишини башорат қилишмоқда.
