Португалиялик мутахассис Жозе Моуриньо умумий ҳисобда Англия Премьер-лигасида 401 очко тўплашга муваффақ бўлди. Ушбу мураббий қўл остида бугун "Челси" "Халл Сити" устидан 2:0 ҳисобида ғалабага эришди.
Премьер-лигада 400 очко жамғариш учун Моуриньога 174 ўйин кифоя қилган. Бу - мусобақа тарихидаги энг яхши натижа. Ушбу кўрсаткич бўйича иккинчи ўринда "МЮ"нинг собиқ устози Алекс Фергюсон туради. Сер АПЛдаги 400-очкосини 191-ўйинида қўлга киритганди. "Арсенал" бош мураббийи Арсен Венгер ушбу натижага 208 ўйинда эришган.