"Манчестер Юнайтед" ўз майдонида азалий рақиби "Ливерпуль" устидан йирик 3:0 ҳисобида ғалаба қозонди.
Ўйин тенгкурашлар остида кечди, ҳаттоки мерсисайдликлар гол уриш кўпроқ вазиятлар яратишди. Бироқ "МЮ" посбони Давид де Хеа 4та бирга-бир (3 марта Стерлинг, бир марта Балотелли), икки марта яқин масофадан йўлланган зарбаларни (Балотелли) қайтарди ва ўз дарвозаси дахлсизлигини сақлаб қолди. Натижада ўйин қаҳрамонига айланди!
Мезбонлар эса асосан қарши ҳужумда ўйнаб, ўзлари яратган деярли барча вазиятларни голга айлантиришди. Руни, Мата ва ван Перси ўз номларини таблога ёздириб қўйишди.
Ушбу ғалабадан кейин "Манчестер Юнайтед" 3-ўринга мустаҳкам жойлашди ва 2-ўринда бораётган ҳамшаҳарларидан ("Сити") 5 очкога ортда боришмоқда.
Англия чемпионати, 16-тур
Манчестер Юнайтед – Ливерпуль 3:0 (2:0)
Голлар: 1:0 – 12 Руни, 2:0 – 40 Мата, 3:0 – 71 ван Перси.
Манчестер Юнайтед – Де Хеа, Руни (Фалькао, 78), Эванс, Жонс (Макнэйр, 89), Феллайни, Кэррик, Валенсия, Янг, Мата, ван Перси, Уилсон (Эррера, 71).
Ливерпуль – Жонс, Ловрен, Морено (Маркович, 68), Шкртел, Жонсон (Туре, 26), Стерлинг, Хендерсон, Коутиньо, Аллен, Лаллана (Балотелли, 46), Жеррард.
Огоҳлантиришлар: Феллайни (5), Жонс (21), Аллен (29), Эванс (37), Руни (43), Балотелли (74), Жеррард (84).
