Лондоннинг "Тоттенҳэм" клуби қишда ЦСКА ҳужумчиси Сейду Думбияни сотиб олиши мумкин.
Маълумотларга кўра, "Тоттенҳэм" айни пайтда ҳужумчини сотиб олиш вариантларини кўриб чиқмоқда. Маълумот учун ивуарлик ҳужумчининг товон пулини 25 млн евро қилиб белгиланган ва бу нарх инглизларга тўғри келмаяпти. Аммо, футболчининг ҳафталик маоши (54 минг евро) "Тоттенҳэм"ни қониқтириши мумкин ва шунинг учун улар ЦСКА билан музокаралар чоғида футболчининг товон пулини бироз туширишга ҳаракат қиладилар.
Эслатиб ўтамиз, 26 ёшли ҳужумчи 2010 йилда ЦСКА билан шартнома имзолаган. Ушбу мавсумда Думбия Россия Премьер-лигасида 13та ўйинда майдонга тушиб рақиб дарвозасини 7 марта ишғол қилган.