Жароҳати туфайли майдонга туша олмаётган "Арсенал" яримҳимоячиси Месут Ўзил ўзининг тикланиши ҳақида маълумот берди.
"Агар ўйнамай қўйсанг, футболни, тўпни соғинасан. Майдонга тушиб ўйнагинг келади. Ўйинларни томоша қила туриб, майдонда бўлишим, бўлганда ҳам катта фойдам тегиши мумкинлигини ўйлаб, янада қаттиқроқ ўйнаш истаги пайдо бўлади.
Ҳар куни тикланиш ишлари билан бандман ва тўғри йўлда кетяпман. Майдонга тезроқ қайтишимга ишонаман. Умумий гуруҳга имкони борича тезро қайтишга умид қиляпман", - дея Ўзилнинг сўзларини келтиради "Арсенал" расмий сайти.
Эслатиб ўтамиз, Ўзил охирги марта 5 октябрь куни премьер-лиганинг 7-турида "Челси"га қарши учрашувда (0:2) майдонга тушган эди.
