“Барселона” ярим ҳимоячиси Хави жамоанинг мавсум бўйича режалари ўзгаришсиз қолганини таъкидлади.
“Биз ҳар бир соврин учун курашамиз. Ҳа, бу қийин бўлади, аммо биз барчасини ютмоқчимиз. Ҳозир биз тўғри йўлдамиз, жамоа астойдил меҳнат қилмоқда ва барчаси яхши бўлади.
Тушуниб турибман, фаолиятим якунланишига оз қолди, бироқ ҳали ҳам худди биринчи сафардагидек ҳаяжонланаяпман. Ўйинга чанқоқлик ва дунёнинг энг яхши клуби шарафини ҳимоя қилиш жуда илҳомлантиради”, – деб Хавининг сўзларидан келтиради championat.com.
