Инглиз полицияси 13 декабрь тонгида номаълум жиноятчилар “Астон Вилла” ҳужумчиси Даррен Бентнинг Стаффордшир графлиги, Литтл Эстон мавзесидаги уйига ўғриликка тушишганини аниқлади.
Ўғрилар уйга кириб, “Audi RS 6” ва “Range Rover” машиналарининг калитларини топишган ва ўша автомобилларга миниб, уйни тарк этишган. Иккала машинанинг умумий нархи 150 минг фунт эканлиги айтилмоқда.
Маълумот учун, 30 ёшли ҳужумчи 26 ноябрдан бошлаб, Чемпионшип вакили “Брайтон” жамоасига ижарага берилган. Футболчи шу вақт ичида 3та ўйинда майдонга тушиб, 1та голга муаллифлик қилишга улгурди.
