«Реал»нинг Португалиялик ҳужумчиси Криштиану Роналду ушбу мавсумни жуда ҳам сермаҳсул ўтказмоқда. У 15-турдан сўнг Испания Примеросида 25 та гол урган. Хўш, у кучли бешликдаги нечта жамоадан кўп гол урган? Бу борада статистикага мурожаат қиламиз.
Роналду Испания чемпионатидаги 20 та жамоанинг 15 тасидан кўпроқ ва биттаси билан тенг гол урган. Қолган чемпионатлар билан натижа қуйидагича Англия чемпионатидаги 13 та жамоадан кўп ва биттаси билан тенг, Франция чемпионатидаги 16 та ва Германия чемпионатидаги 13 та жамоадан, шунингдек, Италия чемпионатидаги 15 та клубдан кўпроқ гол ҳосил қилган. «А» сериядаги битта жамоа эса Роналду билан бир хил гол киритган.
Умумий ҳисобда кучли бешликдаги 98 та клубнинг 72 таси Криштианудан кам гол урган бўлса, 3 таси у билан бир хил гол киритган. Шунчаки фантастика!
Фурқат Юсупов
