"Манчестер Сити" бош мураббийи Мануэль Пеллегрини Премьер-лиганинг 17-турида "Кристал Пэлас"га қарши учрашудан сўнг (3:0) фикрлари билан ўртоқлашди.
Таъкидлаш жойиз, ушбу учрашувда "шаҳарликлар" таркибида ҳужумчи Серхио Агуэро жароҳати боис ўйнамади.
"Жуда яхши ғалаба ва жамоанинг жуда яхши ўйини бўлди. Ҳужумчиларимиз қолмаганига қарамай, ушбу ҳафтада бажарган ишларимизда мамнунман. Давид Сильва - топ-савиядаги ўйинчи. Биз "Манчестер Сити" - фақат Агуэро дегани эмаслигини исботладик.
Ўйлашимча, декабрь - чемпионлик учун ҳал қилувчи ой. Агар чемпионлик учун курашмоқчи бўлсангиз, бу ойни етакчилар қаторида тугатишингиз керак. Бундан сўнг ҳам шу савияда ўйнашимизга умид қиламан", - дейди Пеллегрини.
