“Барселона”нинг икки етакчиси Лионель Месси ва Неймар бошқаларга қараганда кўпроқ дам олишлари мумкин, деб хабар қилади football.ua.
“Кордоба” устидан кеча қўлга киритилган ғалабадан сўнг “Барселона” футболчилари қисқа таътилга йўл олишди. Таътил 30 декабрга қадар давом этади.
Клуб бош мураббийи Луис Энрике иккита истисно қилди ва Лионель Месси ҳамда Неймарга 2 январгача ҳордиқ чиқариш имкониятини яратиб берди. Улар каталонияликларнинг Янги йилдан кейинги биринчи ўйинини ўтказиб юборишлари мумкин. Чунки 4 январдаёқ “Барселона” “Реал Сосьедад”га қарши ўйнайди.
Примеронинг жорий мавсумида Месси ва Неймарнинг иккови биргаликда 26та тўп киритишди.
