“Арсенал” бош мураббийи Арсен Венгер Англия чемпионатининг “Ливерпул” (2:2)га қарши ўйиндаги дурангни адолатли деб ҳисоблади. Эслатиб ўтамиз, асосий вақтга қўшиб берилган дақиқаларгача “канонирлар” 2:1 ҳисобида олдинда боришаётганди. Аммо Мартин Шкртелнинг 90+7-дақиқада киритган голи эвазига ўйинда дуранг қайд этилди.
"Балки натижа адолатлидир, аммо биз иккинчи голни қай тариқа қўйиб юборганимиздан ҳайратдамиз, – деб “СЭ” Венгернинг сўзларидан келтиради. – Бу шиддатли ўйин бўлди. Рақиб яхши ҳаракат қилди. Биринчи таймда биз оддий вазиятларда ҳам тўпни йўқотдик. Стандартдан гол ўтказиб юбориш афсусланарли. Бунга йўл қўймаслик учун етарлича ўйинчиларимиз бор эди. Ҳамма шундай вазиятларга тайёр бўлишини истардим".