"Интер" бош мураббйи Роберто Манчини Италия чемпионатининг 16-турида "Лацио"га қарши уйдаги учрашувда қайд этилган дурангдан сўнг (2:2) фикрлари билан ўртоқлашди.

"Италияда ҳамма ўзича мураббий, шцнинг учун ҳаммада ўз фикри бор. Мен ҳар куни жамоа билан биргаман ва бугун биринчи бўлимда айнан шу тактика биз учун яхши бўлади деб қарор қилдим. Албатта, биринчи бўлиб гол ўтказиб юборсанг, режалар ўзгаради, бу "Лацио"га ёрдам берди.

Тўғрисини айтсам, 4-3-3 ва 4-2-3-1 схемалари ўртасидаги фарқни умуман билмайман. Иккинчи бўлимда жамоа яхшироқ ўйнади, аммо бу тактика ўзгариши сабабли бўлди деб ўйламайман.

"Интер" бир ой ичида "Барселона" ёки "Баварией" бўлиб қолишини кутмаяпман. Хатолар бўлиши мумкин, аммо булар ўйин схемасига боғлиқ бўлишига ишонмайман.

Бизда қандайдир қўрқув бор, айниқса ишларимиз юришмаган вақтда бу яққол кўринади. Ўйинчилар буни енгиб ўтишлари керак. Умид қиламанки, келгуси учрашувда кўпроқ гол уриб, дарвозамизни даҳлсиз сақлаймиз", - дейди Манчини.