Лондоннинг "Арсенал" клуби бош мураббийи Арсен Венгер жамоа чемпионлик пойгасида ҳали ҳеч нарса йўқотмаганини ва "Арсенал"да ҳамон чемпионлик учун имконият борлигини айтди.

"Бизда янги йил олдидан яхши график бор. Турнир жадвалида ҳали кўп нарса ўзгариши мумкин. Ҳозир чемпионлик учун фақат "Челси" ва "Манчестер Сити" курашаётгандек таассурот қолдирмоқда, аммо ҳали барчаси ўзгариши мумкин. Челси ҳам Сити ҳам Чемпионлар лигасида ўйнайдилар. "Челси"да Лига Кубоги ўйинлари ҳам бор. Бизда ҳали имконият бор, аммо формамизни ушлаб туришимиз керак", - дейди Арсенал устози.

"Етакчилардан ўтган йил билан таққослаганда анчага ортда қолаётганимизни рад этмайман, шунчаки айрим футболчиларимиз мавсум бошида анча чарчоқ ҳолатда эдилар. Айрим футболчилар Жаҳон чемпионатидан кейин ўз формасида эмас эдилар. Анча муддат жамоада Тео Уолкотт, Джек Уилшир, Месут Озил, Дебюши, Лоран Косьелни, Оливье Жиру ва Микель Артеталар ўйнашмади. Қишки танаффус Англия терма жамоаси учун фойдали бўлар эди деб ўйлайман. Германия терма жамоаси йирик турнирларда нима учун муваффақиятли иштирок этади? Бу тасодиф эмас. Шунчаки Германия чемпионати европанинг кучли чемпионатлари орасида энг кўп дам оладиган чемпионат ҳисобланади", - дейди Венгер.