Криштиану Роналду Ла Лига доирасида "Сантьяго Бернабеу"даги ўйинларнинг ҳеч бирида майдонни голсиз тарк этмади. 2014 йил давомида у барча турларда гол уришга эришди.
Криштиану мазкур йилда жами 14 учрашувда иштирок этган ва уларда 23 бор ўз номига голларни расмийлаштириб, ўртача ҳар бир ўйинга 1,7 тадан голли натижани қайд этган.
Роналду 2014/15 мавсумда кетма-кет 7 бор "Бернабеу"да рақиб дарвозасини аниқ нишонга олган илк "Реал" футболчиси ҳамдир. Бу 7 учрашувда португалиялик футболчи жами 14 та гол уриб, ўртача ҳар бир ўйинга 2 тадан голга эгалик қилмоқда. Улар орасида "Эльче"га “покер”, "Атлетик" ва "Cельта"га қарши “хет-трик” қайд этгани эсда қоларли бўлди.
