"Реал" бош мураббийи Карло Анчелотти "Милан"га қарши ўртоқлик учрашувидаги мағлубиятдан сўнг (2:4) фикрларини билдирди.

"Бу мағлубиятдан алам чекаётганимиз йўқ. Олдимизда бир ҳафта бор эди. Жисмоний тайёргарлигимиз ҳам жойида эди. Бу ўйин бизга бир ҳафталик дам олишдан сўнг ўйин ритмига тушиб олишимизга ёрдам берди. Ўзимиз хоҳлаган нарсага эришдик. Барча ўйинчилар ўзига берилган 45 дақиқадан фойдаландилар.

Энди бизда дамо олиш учун бир кун ва "Валенсия"га қарши ўйинга тайёрланиш учун икки кун вақтимиз бор.

Йилнинг ёмон якунланиши? Йўқ, биз бу ажойиб йилдан мамнунмиз. "Милан" бугун яхши ўйнади, биз эса - йўқ.

Ушба мағлубият бу йилда эришган натижаларимизга таъсир қилиши ҳақида гапириш тўғри эмас. Бизда яхши янгилик бор - Рамос ва Марсело машғулотларга қайтишди.

Хесе? У бутунлай тикланди, ёмон ўйнамади, айниқса, иккинчи бўлимда. Бэйлга келсак, у бизнинг энг муҳим ўйинчиларимиздан бири ва у ҳечқаерга кетмайди", - дейди Анчелотти.