Мадриднинг "Атлетико" клуби билан шартнома имзолаши кутилаётган испаниялик ҳужумчи Фернандо Торрес ўз уйига қайтганидан хурсанд эканини таъкидлади.
"Мен фаолиятимнинг энг яхши йилларини ўтказган жамоамга қайтганимдан жуда хурсандман. Мен бу жамоада янги ўйинчиман, аммо умид қиламанки, жамоадошларим ва мураббийлар штаби менга бу борада ёрдам беришади. "Реал"га қарши ўйинда дебют қилишим ҳақида ўйлаяпман. Дерби - ажойиб дебют бўлар эди," - дейди Торрес.
Таъкидлаш лозим, кеча "Атлетико" сафига келиб қўшилган ҳужумчи 3 январь куни жамоа билан 1 ярим йиллик шартнома тузиши режалаштирилган. Айни дамда, ҳужумчи "Атлетико" сафида илк машғулотларини ўтказишга улгурди.
