ФИФА “Барселона”нинг яқин трансфер вақтида футболчи сотиб олишга рухсат бермагани ҳақидаги Спорт арбитраж суди (CAS) қарорига муносабат билдирди.

Эслатиб ўтамиз, ФИФА апрелда каталонияликлар томонидан вояга етмаган футболчилар билан шартнома имзолашда қоидабузарлик ҳолатини аниқлагач, “Барселона”га яқин трансфер вақтида янги футболчи харид қилишни тақиқлаб қўйганди. Кейинчалик "кўк-анорранглилар" ушбу ҳолат юзасидан Спорт арбитраж судига шикоят қилишганди.

“CAS ушуб қарори билан ФИФАнинг вояга етмаган ўйинчилар ҳақ-ҳуқуқларини ҳимоя қилишини тўла-тўкис қўллаб-қувватлаётганини исботлади”, - дея Халқаро футбол федерациялари уюшмаси баёнотини келтиради sports.ru.