Мадриднинг «Атлетико» клубига қайтган Фернандо Торрес интервью бериб, 7 январь куни бўладиган Испания кубогининг 1/8 финал босқичи доирасида «Реал»га қарши ўйинда майдонга тушишга умид билдирди.

«Мен хурсандман. Мени ҳиссиётлар қамраб олган. Машғулотларга киришадиган пайтни интизорлик билан кутяпман. Насиб қилса, «Атлетико»даги дебютим «Реал»га қарши ўйинда юз беради. Бу ўйинга тайёр бўламан, деган умиддаман. Клуб тарихидаги энг муваффақиятли давр иштирокчиси бўлишни истайман. Ҳар доимгидек ўйиндан мароқ олишга, бор кучим билан ўйнашга ҳаракат қиламан. Мухлислар ҳам мендан айнан шуни кутишаётганига шубҳам йўқ», — дейди Торрес.

Эслатиб ўтамиз, Торреснинг «Милан»дан "Атлетико"га трансфери 5 январь куни расмийлаштирилади. Айнан ўша куни А сериясда трансфер муддати очилади. Шу боис, ҳужумчи «Леванте»га қарши бўладиган 3 январь кунги ўйинни ўтказиб юборади.