«Манчестер Сити» клуби ўзининг расмий сайти орқали баёнот бериб, ярим ҳимоячи Фрэнк Лэмпарднинг ижара шартномасини мавсум охиригача узайтирганини маълум қилди.
Шу тариқа, ҳуқуқий жиҳатдан АҚШнинг "Нью Йорк Сити" клубига тегишли бўлган 36 ёшли ўйинчи "шаҳарликлар" сафида Англия Премьер-лигаси ва Европа чемпионлар лигаси мусобақасида иштирок этишда давом этади.
Лэмпард ушбу мавсумда Премьер-лигада 14та ўйинда майдонга тушиб, 4та гол уришга муваффақ бўлди. У ЕЧЛнинг 2та ўйинида майдонга тушди. «Манчестер Сити» Чемпионлар лигасининг нимчорак финалида «Барселона» билан тўқнаш келади.
Лэмпард 2001-2014 йиллар давомида «Челси» сафида ўйнаган. 2014 йилнинг ёзида у «Нью-Йорк Сити» билан 2 йиллик шартнома имзолади ва шундан сўнг «Манчестер Сити»га ярим йилга ижарага берилганди.
