«Манчестер Юнайтед» бош мураббийи Луи ван Гал жамоа мухлисларидан жуда ҳам миннатдор эканини билдириб ўтди.
«Бу ердаги фаолиятимнинг дастлабки 6 ойида мухлислар мени қизғин қўллаб-қувватлашгани учун уларга миннатдорчилик билдираман. Клубнинг ўзи ва унинг мухлислари мени ҳайратга солди. Аввал ҳеч қачон бундай вазиятга дуч келмагандим: ўз уйимизда ютқазсак ёки дуранг ўйнаганимизда мухлислар мени олқишлашда ва ишонч билдиришда давом этишди.
Барселонада менга оқ рўмолча кўтаришганди, Мюнхенда хуштакбозлик, Амстердамда доимо ҳайқиришарди. Манчестерда эса мухлислар олқишлашади, ўринларидан туришади ва қарсак чалишади. Ақл бовар қилмайди», – дейди ван Гал.
