"Реал" ҳимоячиси Серхио Рамос 2015 йилдаги мақсадлари ҳақида гапириб ўтди.
"Умид қиламан, 2015 йил камида ўтган йилдагидек самарали бўлади. Лекин биз кўпроғига ҳаракат қиламиз ва 3та совринни ютишга интиламиз. Мухлислар бизни ҳозиргидек кучли қўллаб-қувватлашда давом этишларини истардим. Мавсумни яхши ўтказиш ва совринларни улар билан бирга нишонлаш учун қўлимиздан келган барча ишни амалга оширамиз. Умид қиламан, ушбу йилда жароҳат мени безовта қилмайди. Умуман олганда, 2015 йил мен ва "Реал" учун муваффақиятли кечади деган умиддаман. Совринларни қўлга киритишни истардим, боиси тарихда айнан совринлар қолади", - дейди Рамос.
