"Сандерленд" бош мураббийи Густаво Пойет АПЛнинг 20-турида "Манчестер Сити"га қарши учрашувдаги мағлубиятдан сўнг (2:3) унинг шогирдлари мағлубиятга лойиқ ўйин кўрсатмаганларини маълум қилди.
"Тўғрисини айтаман, Туренинг голигача ўйин томошабоп бўлмаётган эди. Кейин ҳаммаси яхши томонга ўзгарди. Менинг йигитларим кучли рақиб олдида эсанкираб қолишмади. "Манчетстер Сити"дай жамоага қарши очиқ футбол ўйнаш хавфли, аммо ҳар нарса бўлиши мумкин. Қайсидир дақиқаларда биз устун кўриндик, айниқса, иккинчи голдан кейин.
Посбонимиз оғир вазиятларда бир неча марта бизни қутқариб қолди, аммо унинг уринишлари бефойда бўлиб қолгани ачинарли бўлди. Бугун мағлубиятга лойиқ эмасдик", - дейди Пойет.